Rəqəmsal aləmdə bir şəkli, fotonu və ya vektorial çizmi yaddaşda saxlamaq üçün hər hansı bir formatdan istifadə etməlisiniz. Bu formatlara bəziləri sadəcə müəyyən edilmiş proqramlar vasitəsi ilə açıla bilir. Lakin elə formatlarda var ki onlar istənilən formatsa açıla bilir. Formatlar çox zaman qısaldilmış formada qarşımıza çıxır. Gəlin onların xarakterini birlikdə analiz edək:

BMP (Bitmap)

Bəlkə də ən sadə şəkil formatıdır. Windows əməliyyat sisteminin 3.1 və 95-ci versiyalarında istifadə edilən Paint proqramındakı şəkillərin formatı BMP-dir. Bu formatın digərlərindən fərqi bəzi əməliyyat sistemlərində fərqli standartlarda olmasıdır. Məsələn X-Windows istifadəçisi ilə MS-Windows ya da OS/2 əməliyyat sistemləri arasında  fərqli standartlarda olur. Ümumiyyətlə bu formatda istifadəçilər kompüterdə Paint proqramından başqa şəkili açmağa proqram tapa bilməyəndə istifadə edirlər.

GİF (Graphics Interchange Format)

Compserve şirkətinin hazırladığı bu format olduqca populyar və çox istifadə edilən formatdır. Az sayda rəngdən ibarət rəsmlərdə olduqca yüksək səviyyədə sıxlaşdıra bilməsi bu formatı bu cürə istifadəyə yararlı etmişdir. 87a və 89a olaraq iki fərqli tipi mövcuddur. Bu formatdan bəzən şəkillərin hərəkətli olaraq görülməsi üçün istifadə edilir.

JPG (Joint Photographic Experts Group)

Bu format rənglərə diqqət yetirmək üçün ən ideal formatdır. Bu format əsasən fotoqrafik yəni çizim və ya qrafik olmayan şəkillərdə istifadə edilir. JPG formatında saxladığımız şəkillərdə  az miqdarda da olsa görüntü keyfiyyətində azalma edərək fayl ölçüsünü azalda bilərsiniz.

EPS (Encapsulated PostScript)           

Ümumiyyətlə bütün çizim və qrafik proqramları tərəfindən dəstəklənir. Vektor və  Piksel əsaslı şəkillərdə bilə bu format istifadə edilə bilər. Əsasən mətbəə kimi yerlərdə üstünlük verilən formatdır.

TİFF (Tagged İmage File Format)

Demək olar ki bütün kompüter proqramları tərəfindən dəstəklənir. TİFF-in mənfi tərəfi odur ki, JPEG formatına nəzərən daha çox yer tutur.

PSD (Photoshop Document)

Photoshop  proqramının istifadə etdiyi formatdır. Üzərində çalışdıqdan sonra PSD formatında yadda saxlamaq eyni faylın üzərində yenidən dəyişiklik etməyiniz asanlaşdıracaq.

PNG (Portable Network Graphics) 

PNG itkisiz bir sıxışdırma üsulunu dəstəkləyir və daha çox internet mühitində istifadə edilir.

PDF (Portable Document Format)

Adobe tərəfindən hazırlanmış bir nəşr formatıdır. Windows, Macintosh, UNIX və DOS kimi əməliyyat sistemləri tərəfindən dəstəklənir.

Paylaş

Şərhlər : 0

Şərhlər : 0

Hərf sayı :
Dek 17, 2018

3D DİZAYNER KİMDİR VƏ NƏ İŞ GÖRÜR?

Digər məqalələr