{{!----}}

Proqramlaşdırma dünyasının ən yaxşıları

 

Proqramlaşdırma sahəsi dayanmadan və sürətini artıraraq inkişaf edən sahədir. Lakin biz bu gün kompüter arxasında əyləşib rahat-rahat kod yaza biliriksə bu bloqumuzda bəhs edəcəyimiz insanların əməyi sayəsindədir. Gəlin onları və proqramlaşdırma dünyasına öz bəhrələrini vermiş insanları birlikdə tanıyaq:

Alan Turing

İngilis riyaziyyatçı, kriptoloq Alan Turing kompüter dünyasına verdiyi tövhələrə görə bu sahənin qurucularından sayılır.  O, Turing adı verilən alqoritmləri hesablama bacarığına sahib maşın icad etmişdir. 2-ci dünya müharibəsində Almanların şifrələrinin sındırılmasında bu maşının çox böyük rolu olmuşdur. Müasir kompüterlərin işləmə prinsipi bu maşın üzərindən təkminləşmişdir.

Tim Berners-Lee

1989-cu ildə HTML proqramlaşdırma dilini inkişaf etdirmiş və World Wide Web (WWW) bildiyimiz internet dünyasının təməlini qoymuşdur. Berners-Lee internet standartlarına nəzarət edən W3C (World Wide Web Consortium) şirkətinin qurmuşdur və hal-hazırda rəhbər vəzifəsində çalışır. Həmçinin indi o Oxford universiteti və Massachusetts Institute of Technology (MIT)-də öz biliklərini tələbələri ilə bölüşür.

Grace Hopper

Grace Hopper kompüter elmlərinə marağından əlavə həm də Amerika Birləşmiş Ştatlarınının donanmasında admiral vəzifəsində çalışırdı. Cobol proqramlaşdırma dilinin inkişafında və “debugging”  adını verdiyimiz xətaların aradan qaldırılması prosesinin populyar olmasında rolu böyükdür.

Dennis Ritchie

O, “C” proqramlaşdırma dilinin yaradıcısıdır.  Ken Thompson ilə birlikdə Unix əməliyyat sistemini hazırlamışdılar. “C”” proqramlaşdırma dili bir çox proqramlaşdırma dilinin təməli oldu. Sistem proqramlaşdırma dili də bu proqram sayəsində mümkün olmuşdur.

Linus Torvalds

Linus Linux əməliyyat sisteminin təməlini qoymuş və təkmilləşdirmişdir.

Bjarne Stroustrup

“C++” proqramlaşdırma dilini təkmilləşdirən kompüter mühəndisi və araşdırmaçıdır. O həmçinin “C++” proqramını ətraflı izah edən kitabın müəllifidir. Bu kitab 19-dan çox dilə tərcümə olunmuşdur. Cəmi 7 kitabın və yüzlərə məqalənin müəllifidir.

Ken Thompson

Yuxarıda bəhs etdiyimiz kimi Dennis Ritche ilə birlikdə Unix əməliyyat sisteminin ərsəyə gəlməsində böyük əməyi var. “B”və “Go” proqramlaşdırma dillərinin yaradıcısıdır. Hal hazırda Google-da çalışır.

Brian Kernighan

Brian Kernighan, Ken Thompson və Dennis Ritchie ilə birlikdə Unix əməliyyat sisteminin təkmilləşdirməsi üzərində çalışmışdır. AWK və AMPL proqramlaşdırma dillərinin müəllifidir. “C” proqramlaşdırma dilini izah edən kitabların yazılmasında Dennis Ritche ilə ortaq çalışmışdır

Bill Gates

Microsoft şirkətinin qurucusu, dünyanın məşhur iş adamı Bill Gates qurduğu şirkətində CEO, baş proqramçı, rəhbər vəzifələrində çalışıb. Lakin 2008-ci ildə vəzifəsindən ayrılaraq həyat yoldaşı ilə birlikdə qurduğu Bill və Melinda Gates fondunun inkişafı üçün çalışır.

 

Paylaş

Şərhlər : 0

Şərhlər : 0

Hərf sayı :
Dek 17, 2018

3D DİZAYNER KİMDİR VƏ NƏ İŞ GÖRÜR?

Digər məqalələr