Veb sayt internet üzərindəki rəqəmsal platforma məhsuluna deyilir. Günümüzü veb saytlarsız təsəvvür etmək qeyri-mümkündür. Onlar ən sürətli kommunikasiya vasitəsidir.

İstənilən məlumata qısa yoldan çatmağı təmin etməklə yanaşı məlumat paylaşımının və araşdırmanın ən təsirli sahələrindən biri halına gəlmişdir.

Bir məhsul və ya şirkətiniz haqqında məlumatı qarşı tərəfə çatdırmaq üçün saatlarla dil tökmək əvəzinə veb sayt üzərindən çatdırmaq rahatdır. Bu vəziyyət həm vaxt itkisinin qarşısının alır, həm də qarşı tərəfin daha planlı şəkildə hərəkət etməsinə xidmət edir.

Veb saytınız varsa şirkətiniz 24 saat xidmət göstərəcəkdir. Eyni zamanda bir çox insan bazar araşdırmasını gecələr aparırlar. Veb sayt şirkətin virtual bir şöbəsi statusundadır və heç bir vəsait tələb olunmadan 7/24 açıq olmaq şirkət sahibi üçün böyük avantajdır. Veb sayt bizi beynəlxalq potensiala sahib olmağımıza şərait yaradar, markamızın çox daha geniş sahələrdə hədəf kütlələrinə çatmasına xidmət edir.

Bir çox şirkətlər sərfəli olduğuna görə reklam etmək məqsədilə veb səhifələrinə üstünlük verirlər. Veb texnologiyaları günümüzdə hər sahədə rahatlıq təqdim etməkdədir. Şirkətlər və böyük holdinqlər artıq veb səhifələr vasitəsilə işlərinin böyük hissəsini də inkişaf etdirməkdədir.

Veb dizayna verilən tələblər

Hazırlanan veb sayt dizaynlarda axtarılan ən önəmli özəllik şirkətin profilini əks etdirməsi və axtarış mühərrikləri üçün yaxşı optimizə edilmiş olmasıdır. Bununla yanaşı fərqli dizaynlar və istifadə rahatlığı da önəmlidir.

Virtual aləmdə minlərlə veb səhifəsi olmasına baxmayaraq bunlardan çox az bir qismi tanınır və istifadə olunur. Bunun səbəbə isə tanınan saytları digər saytlardan ayıran sadə amma ağıllı fərqliliyinin olmasıdır. Bu fərqlilik tanınan saytların məzmunun orijinal eləcə də, veb dizaynın vizual olaraq cəlbedici olmasından qaynaqlanır.

Veb dizayn deyildikdə bir çox internet istifadəçi tərəfindən vizualıq başa düşülür. Bu qavrama doğru olmaqla yanaşı veb dizaynı sərhədli düşünmək kimdir. Veb dizayn mövzusunda bir az geniş düşünmək gərəklidir. Veb səhifələri yaratmaq asan kimi görünsə də professional səviyyədə tamamilə təcrübəyə bağlı işdir. Veb səhifənin dizayn qismi ilə yanaşı onun bir də proqramlaşdırma tərəfi vardır. Veb saytlarımızın üzərindəki menyuları, xəbər sahələrini, yazıları və buna bənzər elementlərin hərəkət etmələrini veb proqramlaşdırma dilləri ilə təmin edirik. Bunun sayəsində saytımız dinamik bir quruluşa sahib olur.

Veb dizayn deyildiyində ağıla ilk gələn şey qəliblənmiş şablonlardır. Adətən bu işə ilk başlayan insanlar sayt dizaynı hazırlayacaqları zaman başqa saytlardan ilhamlanırlar.

Yaradılan saytlar sadə, oxunaqlı və rəng harmoniyası içində olmalıdır. Mümkün olduqca gərəksiz səhifə və animasiyalardan qaçmaq lazımdır.  Çox sadə və statik bir veb səhifəsi ziyarətçilərə darıxdırıcı gəldiyi kimi həddən artıq dinamik saytlar da eyni cür ola bilər.

Veb saytlarda önəmli olan istifadəçinin lazım olan məlumata daha sürətli və etibarlı şəkildə çatmasıdır. Qarışıq şəkildə dizayn edilən veb səhifələr istifadəçiləri narahat edə və uzaqlaşdıra bilər. Bu baxımdan saytın dizaynı önəmlidir.  Sayt həm layihə həm də dizayn baxımından bir-birini tamamlamalı, istifadə olunan rənglər bir-birinə uyğun olmalıdır.

Veb səhifəni yaratdıqdan sonra nə qədər sürətli və məhsuldar işlədiyi analiz edilməlidir.

Müştəriyə təslim edildikdən sonra və ya sayt istifadəyə keçdikdən sonra meydana gələcək ən kiçik səhv problem yarada bilər. Veb dizaynda geri dönüşü olmayan səhvlər etməmək üçün istər dizayn istərsə də, kodlaşdırmada son dərəcə diqqətli olmaq lazımdır.