“…Sərhədsiz yaradıcılıq yalnız ruhun qəlblə harmoniyasında mümkündür…”

ADAS ailəsinin pozitivi, öz sahəsinin peşəkarı, dəyərli mütəxəssis Ülvi Abdullayev Rəssamlar, eləcə də Dizaynerlər İttifaqlarının üzvüdür. Hazırda elə məzunu olduğu Azərbaycan Dövlət Mədəniyyət və İncəsənət Universitetinin baş müəllimi kimi fəaliyyət göstərən mütəxəssis uzun illərdir ki, “Sənaye dizaynı”, “Qrafik dizaynı” və “İnteryer dizaynı” fənləri üzrə tədris aparır. Bakalavr pilləsi üzrə bir sıra fənn proqramlarının, o cümlədən “Sərgi stendinin tərtibatı” adlı metodik dərs vəsaitinin müəllifidir. 2018-ci ildən ADAS ailəsinə qoşulan Ülvi Abdullayev burada “Qrafik Dizaynın vizualizasiyada tətbiqi” fənnini tədris edir.